გიორგი ჭიღვარია
დაიბადა 1980 წლის 20 აპრილს ქ. ქუთაისში;
1986-1995 წლებში სწავლობდა ქუთაისის წმინდა ნინოს სახელობის მესამე საშუალო სკოლაში;
1995 წელს სწავლა გააგრძელა ქალაქ ქუთაისის ჰუმანიტარულ ლიცეუმში, რომელიც 1997 წელს დაამთავრა;
2002 წელს წარჩინებით დაასრულა ქუთაისის აკაკი წერეთლის სახელობის სახელმწიფო უნივერსიტეტის აღმოსავლეთის ქვეყნების ისტორიის ფაკულტეტი;
2002-2003 წლებში გაიარა თურქული ენის შემსწავლელი პროგრამა ანკარის (თურქეთი) უნივერსიტეტის თომერის კოლეჯში;
2003 წლიდან ხარისხის მაძიებლის სტატუსით მუშაობა დაიწყო სადოქტორო ნაშრომზე ანკარის უნივერსიტეტში;
2003-2004 წლებში გაიარა სამხედრო სავალდებულო სამსახური საქართველოს შეიარაღებული ძალების მე-11 მოტომსროლელ ბრიგადაში;
2010 წელს ქუთაისის სახელმწიფო უნივერსიტეტში მიენიჭა დოქტორის აკადემიური ხარისხი (სადოქტორო ნაშრომი - "თურქეთის გეოპოლიტიკა მე-20 საუკუნის 90-იანი წლებიდან");
არის აკაკი წერეთლის სახელმწიფო უნივერსიტეტის საზოგადოებრივ მეცნიერებათა ფაკულტეტისა და შოთა მესხიას სახელობის ზუგდიდის სახელმწიფო სასწავლო უნივერსიტეტის ასოცირებული პროფესორი;
2014 წლიდან არის "ქართული ოცნება - დემოკრატიული საქართველოს" იმერეთის კოორდინატორის მოადგილე;
2015 წლიდან არის "ქართული ოცნება - დემოკრატიული საქართველოს" ქუთაისის საოლქო ორგანიზაციის თავმჯდომარე და აქტიურად არის ჩაბმული მის საქმიანობაში;
აქვს ადგილობრივ თვითმმართველობაში მუშაობის გამოცდილება: იყო ქ. ქუთაისის მუნიციპალიტეტის მერის მრჩეველი, საპარლამენტო არჩევნებში "ქართული ოცნება - დემოკრატიული საქართველოს" ქ. ქუთაისის საოლქო ორგანიზაციის შტაბის უფროსი, დღემდე არის "ქართული ოცნება - დემოკრატიული საქართველოს" ქ. ქუთაისის საოლქო ორგანიზაციის თავმჯდომარე;
ბოლო დრომდე იყო იმერეთში სახელმწიფო რწმუნებულის - გუბერნატორის მოადგილე;
გამოქვეყნებული აქვს არაერთი სამეცნიერო სტატია თუ ნაშრომი პოლიტიკური მეცნიერებების სფეროში;
ჰყავს მეუღლე და ორი შვილი.
ქუთაისი გიორგი ჭიღვარიას საარჩევნო პროგრამა by Inernational Center for Civic Culture on Scribd