„სამოქალაქო კულტურის საერთაშორისო ცენტრმა” პროექტის - „ადგილობრივი თვითმმართველობის რეფორმის შესახებ საზოგადოებრივი ცნობიერების ამაღლების საინფორმაციო კამპანია“, - ფარგლებში, თელავის „დემოკრატიული ჩართულობის ცენტრში“ პრეზენტაცია გამართა. პროექტი აშშ-ს საერთაშორისო განვითარების სააგენტოს პროგრამის, - „დემოკრატიული მმართველობა საქართველოში“- მხარდაჭერით ხორციელდება. მისი მიზანია საქართველოს მოქალაქეთა ინფორმირება დეცენტრალიზაციის რეფორმის მიმდინარეობისა და კანონმდებლობით განსაზღვრული სიახლეების შესახებ. პროექტის ორგანიზატორების განცხადებით, რეფორმის პროცესში მნიშვნელოვან ეტაპს თვითმმართველობის წარმომადგენლობითი და აღმასრულებელი ორგანოების არჩევნები წარმოადგენს, რომელიც 2014 წლის 15 ივნისს ჩატარდება.