არჩევნების მეორე ტურის წინ შს სამინისტრო მობილიზებულია და არ დაუშვებს არანაირ გართულებებს, - ამის შესახებ ჟურნალისტებს საქართველოს შს მინისტრმა გიორგი მღებრიშვილმა განუცხადა.

მინისტრი სრული პასუხისმგებლობით აცხადებს, რომ არჩევნების მეორე ტური მშვიდ ვითარებაში ჩაივლის.

”საერთაშორისო ექსპერტებმაც აღიარეს, რომ არჩევნები ჩატარდა მშვიდ ვითარებაში, თუ არ ჩავთვლით რამდენიმე გამონაკლისს. მეორე ტურზეც სრული პასუხისმგებლობით შემიძლია გითხრათ, რომ არჩევნები ჩატარდება მშვიდ ვითარებაში, ჩვენ მოქალაქეებს მიეცემათ საკუთარი ნების თავისუფლად გამოხატვის საშუალება. შსს მობილიზებულია და არ დაუშვებს არანაირ გართულებებს”, - განაცხადა გიორგი მღებრიშვილმა.
30 ოქტომბერს საქართველოში არჩევნების მეორე ტური გაიმართება.

ipn.ge