ქართული ოცნება - დემოკრატიული საქართველო
832272
55.42%
საარჩევნო ბლოკი „ერთიანი ნაციონალური მოძრაობა”
256547
17.08%
ცესკოს წარმომადგენელი „პატრიოტთა ალიანსის“ სარჩელზე - არჩევნებში მონაწილე ყველა მხარემ იცოდა, რომ მანდატები ასე გადანაწილდებოდა
 ცესკოს წარმომადგენელი „პატრიოტთა ალიანსის“ სარჩელზე - არჩევნებში მონაწილე ყველა მხარემ იცოდა, რომ მანდატები ასე გადანაწილდებოდა
თამაშის წესები ბევრად ადრე იყო დადგენილი, ვიდრე საარჩევნო პროცესი დაიწყებოდა, - ამის შესახებ ცენტრალური საარჩევნო კომისიის წარმომადგენელმა თენგიზ შარმანაშვილმა ჟურნალისტებს სასამართლოში „პატრიოტთა ალიანსის“ სარჩელის განხილვის შემდგომ განუცხადა.
როგორც შარმანაშვილმა აღნიშნა, ცენტრალური საარჩევნო კომისიის ინდივიდუალური სამართლებრივი აქტი გამოიცა კანონის და კონსტიტუციის დაცვით და არავითარი კოლიზია საარჩევნო კოდექსის ნორმებსა და კონსტიტუციის 50-ე მუხლის მე-2 პუნქტს შორის არ არსებობს.

„მოწინააღმდეგე მხარე ცდილობდა დაესაბუთებინა, რომ საარჩევნო კოდექსსა და კონსტიტუციას შორის არსებობს კოლიზია, მაგრამ ჩვენ ვთვლით, რომ მათი არგუმენტები არასამართლებრივი იყო და უფრო პოლიტიკურ მოტივებს ეხებოდა. კონსტიტუციის 50-ე მუხლი ზოგადად არ აწესრიგებს იმ წესებს, რა წესებით უნდა ტარდებოდეს არჩევნები და ნაწილდებოდეს მანდატები. 50-ე მუხლი ასეთი უფლების დელეგირებას ახდენს საარჩევნო კოდექსზე, რომელიც ამ საკითხს აწესრიგებს“, - განაცხადა თენგიზ შარმანაშვილმა.

მისივე თქმით, კონსტიტუციაში არ წერია, რომ მანდატები თანაბრად უნდა გადანაწილდეს.

„როგორ და რა წესით უნდა განაწილდეს მანდატები, ეს წერია ორგანულ კანონში. აღნიშნული თამაშის წესები ბევრად ადრე იყო დადგენილი, ვიდრე საარჩევნო პროცესი დაიწყებოდა. ყველა მონაწილე მხარემ იცოდა, რომ ასეთ შემთხვევაში მანდატები ასე გადანაწილდებოდა. ასე, რომ ვერავითარ პოლიტიკურ მოტივს ამაში მე ვერ ვხედავ“, - განაცხადა თენგიზ შარმანაშვილმა.

ცესკოს წინააღმდეგ ”პატრიოტთა ალიანსის” სარჩელზე მოსამართლე სათათბიროდ გავიდა. საკუთარ სარჩელში ”პატრიოტთა ალიანსი” ცენტრალური საარჩევნო კომისიის შემაჯამებელი ოქმის გაუქმებას და პარტიისთვის მინიჭებული მანდატების რაოდენობის 10-მდე გაზრდას ითხოვს. ალიანსი საკუთარ სარჩელში კონსტიტუციის 50-ე მუხლის მე-2 პუნქტზე აპელირებს, სადაც როგორც პარტიის წარმომადგენლები აცხადებენ, ე.წ. გაუნაწილებელი მანდატების თანაბრად განაწილებაზეა საუბარი.

ipn.ge
FaceBook Twitter Digg MySpace Delicious Google ელფოსტაბეჭდვა
თვითმმართველობის არჩევნებამდე დარჩა 21.10.2017 08:00
მედიაცენტრი live
არქივი
«« ივლისი 2020 »»
ორ სა ოთ ხუ პა შა კვ
   1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31