ვებ-პორტალ ivote.ge როგორც ქართულ ისე ინგლისურენოვან განყოფილებაში განთავსდა 2013 წლის არჩევნებთან დაკავშირებული სხვადასხვა სახის ინფორმაცია, რომელიც მიმართული იყო საარჩევნო კულტურის ამაღლებისაკენ და ამომრჩეველთა უკეთ ინფორმირებულობისათვის. საერთო ჯამში ვებ - პორტალზე განთავსდა 6500 მეტი სხვადასხვა სახის ინფორმაცია.
ვებგვერდზე მომხმარებელს შეუძლია იხილოს:
- არჩევნებში მონაწილე საპრეზიდენტო კანდიდატების ბიოგრაფიები და საარჩევნო პროგრამები
- ინფორმაცია არჩევნებში მონაწილე ქალი კანდიდატების შესახებ
- საარჩევნო კანონმდებლობა და ცენტალური საარჩევნო კომისიის ნორმატიული აქტები
- წინასაარჩევნო და შემდგომი პერიოდის ყოველდღიური სიახლეები
- ამომრჩევლის გზამკვლევი
- უცხოური პრესა საქართველოს საპრეზიდენტო არჩევნების შესახებ
- შეზღუდული შესაძლებლობების მქონე პირებისთვის განკუთვნილი როგორც საგანმანათლებლო ინფორმაცია, ასევე საკანონმდებლო რეგულაციები და საარჩევნო ადმინისტრაციის მიერ შშმპ - სათვის დანერგილი სიახლეები
- საქართველოში ჩატარებული არჩევნების არქივი
- არჩევნების შედეგები თთოეული ოლქის მიხედვით
- ადგილობრივი და საერთაშორისო ორგანიზაციების მიერ განხორციელებული საქმიანობების ანგარიშები
- პრეზიდენტობის კანდიდატების ფინანსური შემოწირულობებისა და ხარჯების შესახებ ინფორმაცია
- უწყებათაშორის კომისიის განცხადებები
- ინფორმაცია საარჩევნო ადმინისტრაციაში შესული საჩივრების შესახებ
- საარჩევნო ადმინისტრაციების შემადგენლობა და საარჩევნო ოლქებისა და უბნების მისამართები
პროექტი: სამოქალაქო საზოგადოება დეცენტრალიზაციისათვის
დონორი: ფონდი „ღია საზოგადოება საქართველო“
მიზანი: ადგილობრივი თვითმმართველობის რეფორმის მხარდაჭერა
ამოცანები:
- თვითმმართველობის სფეროში არსებული სიტუაციის ანალიზი
- ადგილობრივი თვითმმართველობის რეფორმის პროცესის მონიტორინგი და შეფასება
- საზოგადოების ცნობიერების ამაღლება
- დეცენტრალიზაციის შესახებ არსებული ხედვების გავრცელება საზოგადოებაში
- თვითმმართველობის რეფორმის აუცილებლობაზე საზოგადოებრივი აზრის ფორმირების მიზნით მედიის წარმომადგენელთა ინფორმირებულობის დონის ამაღლება
განხორციელებული საქმიანობა:
1. გამოიცა ნაშრომი ადგილობრივი თვითმმართველობა საქართველოში 1991-2014
ნაშრომი შედგება ორი ნაწილისაგან:
- პირველ ნაწილში აღწერილია საქართველოში 1991–2012 წლებში თვითმმართველობის სისტემის განვითარების ტენდენციები და შეფასებულია დეცენტრალიზაციის განვითარების პროცესი;
- მერე ნაწილში "ადგილობრივი თვითმმართველობის რეფორმა საქართველოში- 2013-2014", განხილულია "ადგილობრივი თვითმმართველობის კოდექსის" მომზადებისა და მიღების პოლიტიკური პროცესი, ორგანული კანონის მიღების შემდგომ რეფორმის იმპლემენტაციის მიმდინარეობა და პრობლემები, შეფასებულია ამ სფეროში არსებული სურათი 2015 წლის 1 იანვრის მდგომარეობით და რეფორმის განვითარების პერსპექტივები;
2. საზოგადოების ინფორმირება
- მოეწყო 20- ზე მეტი საჯარო განხილვა რეგიონებში
- მომზადდა ელექტრონულ ბიულეტენის „თვითმმართველობის დროა„ ათი ნომერი
- ადგილობრივი თვითმმართველობის რეფორმის საკითხებზე ჩატარდა ტრენინგი ჟურნალისტებისთვის
- შეიქმნა ჟურნალისტთა ქსელი ადგილობრივი თვითმმართველობის განვითარების ხელშეწყობისათვის
- მომზადდა და რეგიონულ მედიაში განთავსდა 100 ზე მეტი სტატია
