მუნიციტიპალიტეტი
აორჩიეთ წელი

წალკის მუნიციპალიტეტი

წალკის მუნიციპალიტეტი მდებარეობს ქვემო ქართლის მხარეში,  წალკის ზეგანზე, რომელიც შემოფარგლულია თრიალეთის, ჯავახეთისა და სამსარის ქედებით. მუნიციპალიტეტის ტერიტორია  1917 წლამდე  ტფილისის გუბერნიის  ბორჩალოს მაზრაში შედიოდა,  1917-30  წლებში —  ტფილისის მაზრაში,  1930 წლიდან ხდება დამოუკიდებელი რაიონი. 1963-1964 წწ. შედიოდა თეთრიწყაროს რაიონში. 1965  წლიდან კვლავ გამოეყო ცალკე რაიონად. ამჟამად მუნიციპალიტეტი.

 

წალკის მუნიციპალიტეტი ჩრდილოეთიდან ისაზღვრება ბორჯომის მუნიციპალიტეტით, აგრეთვე გორისა და კასპის მუნიციპალიტეტებით. დასავლეთით ესაზღვრება ახალქალაქის მუნიციპალიტეტი, სამხრეთით ნინოწმინდისა და დმანისის მუნიციპალიტეტები,  აღმოსავლეთით საზღვრავს თეთრიწყაროს მუნიციპალიტეტი.

 

ფართობი - 1051 კმ2;

 

მოსახლეობის რაოდენობა - 21 ათასი ადამიანი ( 55,5% სომეხი,  22,0% ბერძენი, 12% ქართველი, 9,5%  აზერბაიჯანელი);

 

სიმჭიდროვე - 20  ადამიანი კმ2- ზე;

 

მუნიციპალიტეტში 51 დასახლებული პუნქტია: 1 ქალაქი- წალკა, 2 დაბა- ბედიანი (ხრამჰესი), თრიალეთი (ჩაპაევკა) და 48 სოფელი, აგრეთვე 20-მდე ნასოფლარი-ავრანლო  (ტარსონი),  არჯევანსარვანი (გედაქლარი, მინსაზქენდი, ჩოლმანი),  აშკალა,  ახალიკი (ქვემო ხარაბა, შიპიაკი),  ბაშქოი (იმერა,  ლივადი,  ყარაკომი), ბურნაშეთი,  ბეშთაშენი (ქარიაქი,  შუახარაბა), გუმბათი,  გუნიაკალა,  დარაქოი,  დაშბაში, ედიქილისა (აიაზმი),  თეჯისი, თიქილისა, კაბური,  კუშჩი,  ნარდევანი,  ოზნი,  ოლიანგი,  რეხა,  ყიზილქილისა,  ჩივთქილისა,  წინწყარო  (აქენდა,სანთა), ხანდო, ხაჩკოი (თაზახარაბა), ჯინისი.

 

მუნიციპალიტეტის ადმინისტრაციული ცენტრია ქალაქი წალკა -  მდებარეობს ზღვის დონიდან 1460 მ სიმაღლეზე. მისი ძველი სახელია ეძანი, მოგვიანებით ბარმაქსიზი(1932 წლამდე).  ქალაქად გამოცხადდა 1984 წელს. მოსახლეობა1,7 ათასი(2002 წ.).

 

დეპუტატი პარლამენტში - მიხეილ ცქიტიშვილი(ერთიანი ნაციონალური მოძრაობა)

 

იხ. წალკის მუნიციპალიტეტის რუკა