მარტვილი - მუნიციპალიტეტი სამეგრელოს და ზემო სვანეთის მხარეში. მდებარეობს დასავლეთ საქართველოში, ოდიშის დაბლობზე (სამხრეთი ნაწილი) და ეგრისის ქედის მთისწინეთში (ცენტრალური ნაწილი) და მის სამხრეთ კალთებზე (ჩრდილოეთი ნაწილი).მუნიციპალიტეტის ტერიტორია 1917-მდე შედიოდა ქუთაისის გუბერნიის სენაკის მაზრაში მარტვილის სახელით, 1921-დან სენაკის მაზრაში. 1930-დან დამოუკიდებელი რაიონია. 1936-90 წლებში გეგეჭკორის რაიონი ერქვა.

ჩრდილოეთით ესაზღვრება ლენტეხის, აღმოსავლეთით ხონისა და ცაგერის, სამხრეთით — სენაკის და აბაშის, დასავლეთით ჩხოროწყუს მუნიციპალიტეტები.

ფართობი - 881 კმ²;

მოსახლეობის რაოდენობა  - 56 ათასი ადამიანი (2004წ.);

სიმჭიდროვე - 49 ადამიანი კმ²-ზე;

მუნიციპალიტეტში 77 დასახლებული პუნქტია - ქალაქი მარტვილი და 76 სოფელი: აბედათი · ალერტი · ბანძა · ბობოთი · გაჭედილი · გოდოგანი · დიდი ინჩხური · დიდი ჭყონი · დობერაზენი · დოშაყე · დღვანა · ეწერი · ვახა · ვედიდკარი · ზემო ნაგვაზავო · ზემო ხუნწი · თამაკონი · თარგამეული · კურზუ · ლებაჩე · ლეგულორდავე · ლედგებე · ლევახანე · ლეკეკელე · ლეკვანტალიე · ლემიქავე · ლეპატარავე · ლეჟვანიე · ლესხულუხე · ლეფოჩხუე · ლექაჯაიე · ლექობალე · ლეცავე · ლეციცხვაიე · ლეხაინდრავო · მახათი · მეორე ბალდა · მეორე გურძემი · მეორე კიწია · მესამე ბალდა · მუხურჩა · ნაგებერავო · ნამიკოლავო მეორე · ნამიკოლავო პირველი · ნახუნავო · ნახურცილავო · ნაჯახავო · ნობულევი · ნოღა · ნოჯიხევი · ონოღია · ორქა · ოჩე · პატარა თამაკონი · პატარა ინჩხური · პატარა ოჩე · პატარა ჟინოთა · პირველი ბალდა · პირველი გურძემი · პირველი კიწია · ჟინოთა · საბერულავო · სალხინო · სანაჭყებიო · სერგიეთი · სკურდი · სტეფასდაბალი · ტალერი  · ქვემო ნაგვაზავო · ქვემო ხუნწი · წაჩხური · წინაკვერკვე · ჭაბურთა · ჯოლევი

ადმინისტრაციული ცენტრი - ქალაქი მარტვილი მდებარეობს მდინარე აბაშისწყლის ნაპირას. ქალაქად გამოცხადდა 1964 წელს და ეწოდებოდა ”გეგეჭკორი”. მოსახლეობა 20,1 ათასი (2002 წ.) მანძილი თბილისამდე - 279 კმ დეპუტატი პარლამენტში - ნაული ჯანაშია (ერთიანი ნაციონალური მოძრაობა)

იხ. მარტვილის მუნიციპალიტეტის რუკა