ხულო - მუნიციპალიტეტი აჭარის ავტონომიურ რესპუბლიკაში, მდებარეობს მდინარე აჭარისწყლის ხეობაში. იგი, არსიანის ქედის დასავლეთით და ძირითადად სამი - ღორჯომისწყლის, სხალთისწყლისა და აჭარისწყლის - ხეობისგან შედგება. ხულოს მუნიციპალიტეტის ტერიტორია შედიოდა ქუთაისის გუბერნიის ბათუმის ოლქში, 1924 წელს ამჟამინდელი შუახევის მუნიციპალიტეტის ტერიტორიასთან ერთად ჩამოყალიბდა ცალკე მაზრად და ეწოდა ხულას მაზრა, 1930 წლიდან - ხულას რაიონი, ხოლო 1940 წლიდან - ხულოს რაიონი. 1965 წელს მას საბოლოოდ გამოეყო შუახევის რაიონი და ჩამოყალიბდა ამჟამინდელ საზღვრებში. 2006 წლიდან არსებობს ხულოს მუნიციპალიტეტის სახით.
ხულოს მუნიციპალიტეტს სამხრეთიდან ესაზღვრება თურქეთი , დასავლეთით - შუახევის მუნიციპალიტეტი , ჩრდილო-დასავლეთით - ოზურგეთის მუნიციპალიტეტი , ჩრდილოეთით - ჩოხატაურის მუნიციპალიტეტი , აღმოსავლეთით - ადიგენის მუნიციპალიტეტი.
ფართობი - 710 კმ²;
მოსახლეობის რაოდენობა - 35.000 ადამიანი;
სიმჭიდროვე - 47.1 ადამიანი კმ²-ზე;
მუნიციპალიტეტში 79 დასახლებული პუნქტია - დაბა - ხულო და 78 სოფელი - აგარა, ადაძეები, ახალიუბანი, ახალშენი, ბაკო, ბეღლეთი, ბოღაური, ბოძაური, განახლება, გელაური, გელაძეები, გოდგაძეები, გორგაძეები, გუდსახო, გურძაული, დანისპარაული, დეკანაშვილები, დიაკონიძეები, დიდაჭარა, დიოკნისი, დუაძეები, ელელიძეები, ვანაძეები, ვაშაყმაძეები, ვერნები, ზედა თხილვანა, ზემო ვაშლოვანი, თაგო, იაკობაძეები, ირემაძეები, კალოთა, კვატია, კორტოხი, კურცხალი, ლაბაიძეები, მანიაკეთი, მახალაკაური, მეკეიძეები, მერჩხეთი, მეხელაშვილები, მთისუბანი, მინთაძეები, ნამონასტრევი, ოქრუაშვილები, ოშანახევი, პანტნარი, პაქსაძეები, რაქვთა, რიყეთი, საციხური, სკვანა, სტეფანაშვილები, სხანდარა, ტაბახმელა, ტუნაძეები, უჩხო, ფაჩხა, ფუშრუკაული, ქედლები, ქვედა თხილვანა, ქვემო ვაშლოვანი, ქურდული, ღორჯომელაძეები, ღორჯომი, ღურტა, ყინჩაური, ყიშლა, შუასოფელი, შურმული, ჩაო, ძირკვაძეები, ძმაგულა, წაბლანა, წინწკალაძეები, ჭახაური, ჭერი, ხიხაძირი, ჯვარიქეთი.
ადმინისტრაციული ცენტრი - დაბა ხულო მდებარეობს მდინარე აჭარისწყლის ხეობაში, ზღვის დონიდან 923 მ, ბათუმიდან 88 კმ. . დაბა - 1964 წლიდან. მოსახლეობა - 1142 ადამიანი (2002).
მაჟორიტარი დეპუტატი - ანზორ ბოლქვაძე ("ერთიანინაციონალურიმოძრაობა– გამარჯვებულისაქართველოსთვის").