ახალციხე - მუნიციპალიტეტი.სამხრეთ საქართველოში, სამცხე-ჯავახეთის მხარეში.მდებარეობს ახალციხის ქვაბულში, უჭირავს მტკვრისა და ფოცხოვის ხეობები. მუნიციპალიტეტის ტერიტორია 1917 წლამდე ტფილისის გუბერნიის ახალციხის მაზრაში შედიოდა, 1917–30 წლებში - აღმოსავლეთ საქართველოში ახალციხის მაზრის სახელწოდებით, 1930 წლიდან ცალკე რაიონია დღევანდელ საზღვრებში.
ახალციხის მუნიციპალიტეტს ჩრდილოეთიდან ესაზღვება ხარაგაულისა და ბორჯომის, აღმოსავლეთიდან - ასპინძის, ხოლო დასავლეთიდან ადიგენის მუნიციპალიტეტი. სამხრეთის საზღვარი ემთხვევა საქართველო - თურქეთის სახელმწიფო საზღვარს.
მუნიციპალიტეტის ფართობი - 1010.3 კმ²;
მოსახლეობის რაოდენობა - 46.9 ათასი ადამიანი (ქართველები 56.3%, სომხები 43%. 2009 წ.);
მოსახლეობის სიმჭიდროვე - 63.9 ადამიანი კმ²-ზე;
მუნიციპალიტეტში 47 დასახლებული პუნქტია - 2 ქალაქი - ახალციხე და ვალე; 45 სოფელი - აბათხევი, აგარა, ანდა, ანდრიაწმინდა, ანი, აწყური, ბოგა, გიორგიწმინდა, გურკელი, დიატომიტი, ელიაწმინდა, ზემოსხვილისი, ზიკილია, თისელი, ივლიტა, კლდე, მინაძე, მიქელწმინდა, მუგარეთი, მუსხი, ნაოხრები, ორალი, პატარაპამაჯი, საყუნეთი, საძელი, სვირი, სხვილისი, ტატანისი, ტყემლანა, ურაველი, ფერსა, ღრელი, ყულალისი, შურდო, წინუბანი, წირა, წნისი, წყალთბილა, წყორძა, წყრუთი, ჭაჭარაქი, ჭვინთა, ხაკი, ხეოთი, ჯულღა.
ადმინისტრაციული ცენტრი - ქალაქი ახალციხე მდებარეობს ახალციხის ქვაბულში, მდინარე ფოცხოვის ორივე ნაპირზე, ზღვის დონიდან 1000 მ სიმაღლეზე: ახალციხეს ქალაქის სტატუსი მიენიჭა 1840 წელს. მოსახლეობა - 18,452 ადამიანი(2002).
მაჟორიტარი დეპუტატი - თამაზ პეტრიაშვილი ("ერთიანი ნაციონალური მოძრაობა– გამარჯვებულისაქართველოსთვის").