ახმეტა — მუნიციპალიტეტი აღმოსავლეთ საქართველოში, შიგა კახეთში. 1930-მდე ახლანდელი ახმეტის მუნიციპალიტეტის ტერიტორია შედიოდა თიანეთის მაზრაში, 1930 წლიდან თელავის მაზრაში, 1951 წლიდან გამოიყო ცალკე რაიონად, 1963-1964 ისევ შეუერთეს თელავის რაიონს. 1964 წლის აგვისტოდან კვლავ გამოიყო ახლანდელ საზღვრებში.
მუნიციპალიტეტს დასავლეთით ესაზღვრება დუშეთისა და თიანეთის მუნიციპალიტეტები, ჩრდილოეთით საზღვრავს ჩეჩნეთი, აღმოსავლეთით ესაზღვრება თელავის მუნიციპალიტეტი და დაღესტნის ავტონომიურირესპუბლიკა, სამხრეთით კი საგარეჯოს მუნიციპალიტეტი.
ფართობი - 2207.6 კმ²;
მოსახლეობის რაოდენობა - 39878 ადამიანი (ქართველები - 69.7%; ქისტები - 20.9%; ოსები - 5.1%; ჩეჩნები - 3.2%; აზერბაიჯანელები - 0.4%);
მოსახლეობის სიმჭიდროვე - 18.9 ადამიანი კმ2- ზე;
მუნიციპალიტეტში 76 დასახლებული პუნქტია: 1 ქალაქი - ახმეტა , 75 სოფელი- . დუისი(წინუბანი), ზემო ალვანი(ხორბალო), ზემო ხალაწანი(დუმასტური, ქვემოხალაწანი, შუახალაწანი), ზემო ხოდაშენი(აწყური, ახალდაბა, ჩარექაული), მაღრაანი(არგოხი, ფიჩხოვანი), ომალო(დანო, დართლო, დიკლო, დოჭუ, ქუმელაურთა, შენაქო, შტროლთა, ხახაბო, ხისო), ოჟიო(ალავერდი, კოღოთო, ჩაბინაანი, ხორხელი), საკობიანო(ბაყილოვანი, დედისფერულა, კუწახტა, ქორეთი, ყვარელწყალი, ხევისჭალა) ქვემო ალვანი(ბაბანეური), ქისტაური (არაშენდა, ახალშენი, ახშანი, ახშნისველები, ინგეთი, კოჯორი, ოსიაური, საჩალე), შახვეტილა(ბუღაანი, ვეძები, ნადუქნარი, საბუე, ჩაჩხრიალა, ჭართალა), ჯოყოლო(ბირკიანი, ომალო), მატანი, კასრისწყალი.
ადმინისტრაციული ცენტრი - ქალაქი ახმეტა მდებარეობს მდინარე ალაზნის მარჯვენა მხარეზე, ზღვის დონიდან 567 მ სიმაღლეზე. გაშენებულია პანკისის ხეობის შესასვლელთან. 1959 წელს სოფელი ახმეტა გარდაიქმნა დაბად, ქალაქად გამოცხადდა 1966 წელს. მოსახლეობა 8571 ათასი (2002 წ.). მანძილი ადმინისტრაციულ ცენტრსა და თბილისს შორის - 174 კმ.
დეპუტატი პარლამენტში - პეტრე ცისკარიშვილი (ერთიანი ნაციონალური მოძრაობა)