თქვენ იმყოფებით: მუნიციტიპალიტეტი თბილისი მერია მერი
მუნიციტიპალიტეტი
აორჩიეთ წელი

მერი

გიგი უგულავა დაიბადა 1975  წელს ქ. თბილისში. 1998 წელს დაამთავრა თბილისის ივანე ჯავახიშვილის სახელობის  სახელმწიფო უნივერსიტეტის ფილოსოფიისა და სოციოლოგიის ფაკულტეტი და მიენიჭა ფილოსოფიის, ფილოსოფიურ დისციპლინათა მასწავლებლის კვალიფიკაცია

 

1992-1994  წლებში სწავლობდა თბილისის სასულიერო სემინარიაში

 

1993 წელს მუშაობდა ი. სუხიშვილის სახელობის ქორეოგრაფიულ კოლეჯში, თ. ყანჩაველის საავტორო კოლეჯში “ნობილე” და 58-ე საშუალო სკოლაში რელიგიის ისტორიის მასწავლებლად

 

1995-1997  წლებში იყო ზაარბრუკენის უნივერსიტეტის სტუდენტი

 

1997-1998  წლებში იყო ტელეკომპანია “იბერია თვ”-ს ჟურნალისტი

 

1998 წელს ჩაირიცხა საქართველოს მეცნიერებათა აკადემიის სავლე წერეთელის სახელობის ფილოსოფიის ინსტიტუტის ასპირანტურაში

 

999-2000  წლებში იყო ფონდ “ინტერნიუსის” ჟურნალისტი. ამავე პერიოდში მუშაობდა  "ინტერნეიშენალ-ჯეორგია" პროგრამების მენეჯერად, ხოლო 2000 წლის მაისიდან ივლისამდე მუშაობდა ფონდ “ევრაზიაში” კონსულტანტად.

 

2001-2003  წლებში იყო სამართლებრივი განათლების ასოციაცია - ALPE -ს დირექტორი

 

2003  წლის დეკემბერში დაინიშნა საქართველოს იუსტიციის მინისტრის მოადგილედ

 

2004  წლის თებერვალში დაინიშნა საქართველოს სახელმწიფო უშიშროების მინისტრის მოადგილედ,  ამავე წლის მარტში პირველ მოადგილედ

 

2004 წლის სექტემბრიდან 2005 წლის აპრილამდე იყო საქართველოს პრეზიდენტის სახელმწიფო რწმუნებული სამეგრელო-ზემო სვანეთის რეგიონში

 

2005   წლის 20 აპრილს დაინიშნა საქართველოს პრეზიდენტის ადმინისტრაციის უფროსად

 

2001 წელს მონაწილეობდა ახლადდანიშნულ მენეჯერთათვის გამართულ ტრენინგში და აგრეთვე ტრენინგში სამუშაოს ორგანიზებისა და დაგეგმვის გაუმჯობესების საკითხებზე (ბელგია)

 

2002  წლის სექტემბერში გახდა ჯონ სმიტის სტიპენდიანტი (გაერთიანებული სამეფო), თემა - “დემოკრატია, პრესისა და მაუწყებლობის რეგულაცია გაერთიანებულ სამეფოში”

 

სხვადასხვა დროს იყო ფონდ “ღია საზოგადოება საქართველოს” სამართლებრივი განათლების ქვესაბჭოს წევრი, საქართველოს იუსტიციის სამინისტროს საზოგადოებრივი კონტროლის დამოუკიდებელი საბჭოს წევრი, არასამთავრობო მონიტორინგის განათლების სექტორის ჯგუფის კოორდინატორი

 

2005 წლის 12 ივლისს დაინიშნა ქ. თბილისის მერად

 

2006 წლის 5 ოქტომბერს ადგილობრივი თვითმმართველობის არჩევნებში მიიღო  მონაწილეობა  და  იმავე  წლის 12 ოქტომბერს  ქ. თბილისის  საკრებულომ  გიგი უგულავა თბილისის  მერად აირჩია

 

2010 წლის 30 მაისის ჩატარებული არჩევნების შედეგად გიგი უგულავა გახდა ქალაქის პირველი არჩეული მერი ჰყავს მეუღლე და სამი შვილი. ფლობს ინგლისურ, გერმანულ და რუსულ ენებს.

 

2009  წლის  ქონებრივი მდგომარეობის დეკლარაცია

 

2011   წლის  ქონებრივი მდგომარეობის დეკლარაცია