ლაგოდეხი - მუნიციპალიტეტი  აღმოსავლეთ საქართველოში შიგა კახეთში. 1927 წლამდე ახლანდელი ლაგოდეხის მუნიციპალიტეტის ტერიტორია სიღნაღის მაზრაში შედიოდა. 1930 წლიდან ყალიბდება ცალკე რაიონად.

აღმოსავლეთით ესაზღვრება აზერბაიჯანის რესპუბლიკა, დასავლეთით  ყვარლის მუნიციპალიტეტი, ჩრდილოეთით დაღესტნის ავტონომიური რესპუბლიკა, სამხრეთით სიღნაღისა და გურჯაანის მუნიციპალიტეტები.

ფართობი - 890, 2 კმ²;

მოსახლეობის რაოდენობა - 51 ათასი ადამიანი (ქართველები 67.2%, აზერბაიჯანელები 25.6%, ოსები 4.9%);

სიმჭიდროვე - 57  ადამიანი კმ²- ზე;

მუნიციპალიტეტში 64 დასახლებული პუნქტია - ქალაქი ლაგოდეხი და  63 სოფელი - არეშფერანი (ზემო ბოლქვი, ქევხიანი, ქვემო ბოლქვი, ხოშატიანი), აფენი (ბაღდადი, გვიმრიანი, ზემო ნაშოვარი, ონანაური, ფოდაანი, ქვემო ნაშოვარი, ჭაბუკიანი), ბაისუბანი (ზემო მსხალგორი, პატარა გორი, ქვემო მსხალგორი), გიორგეთი (გუჯარეთი, ვერხვის მინდორი, ლაფნიანი, ფიჩხისბოგირი), ვარდისუბანი (მშვიდობიანი, საქობო, სვიდება), კაბალი (განჯალა, უზუნთალა, ყარაჯალა), კართუბანი (ბოლოკიანი, ნაენდროვალი, ნაწისქვილარი), ლელიანი (ბალთა, ბებურიანი, მირსკისეული, ქალქვა-ნამესრალი), მაწიმი (რაჭისუბანი), ნინიგორი (განათლება, გელათი, გურგენიანი, ზემო ხიზა, ხიზაბავრა), ულიანოვკა (ერეთისკარი, თამარიანი, წითელგორი), ფონა (დონა, ზემო ხეჩილი, ქვემო ხეჩილი), შრომა (კავშირი), ცოდნისკარი (თელა, სვობოდნოე, შეერთება, ჩადუნიანი, წიფლისწყარო).

ადმინისტრაციული ცენტრი  - ქალაქი ლაგოდეხი მდებარეობს ალაზნის ვაკეზე, კახეთის კავკასიონის სამხრეთ კალთის ძირში, მდინარე ლაგოდეხისწყლის (მაწიმისწყლის მარჯვენბა შენაკადი) ნაპირებზე, ზღვის დონიდან 435 მ, თბილისიდან 165 კმ-ზე..ქალაქად გამოცხადდა 1962 წელს. მოსახლეობა 7189. 

დეპუტატი პარლამენტში - გურამ კაკალაშვილი(ერთიანი ნაციონალური მოძრაობა)