მიმართვა
მოგესალმებით, ძვირფასო თბილისელებო! დიდი პატივია მოგმართოთ თბილისის მერობის კანდიდატის რანგში. კარგად მაქვს გაცნობიერებული პასუხისმგებლობა, რომელიც ჩვენს გუნდს თბილისელთა წინაშე ეკისრება.
ჩვენ კარგად ვიცნობთ თბილისს, მის პრობლემებს, გამოწვევებსა და დიდ შესაძლებლობებს. ჩვენი გუნდისა და მთლიანად ხელისუფლების წარმატებული საქმიანობისთვის თქვენი ფხიზელი თვალი და თანამონაწილეობა აუცილებელი პირობაა.
თქვენ არ უნდა მოგვცეთ არათუ შეცდომის, მოდუნების საშუალებაც კი. მზად ვართ, გავითვალისწინოთ ყველა თქვენი საქმიანი წინადადება და შენიშვნა. ჩვენ ერთად უნდა დავდგეთ, ერთად ვიშრომოთ თბილისის გაძლიერებისა და ადამიანების საკეთილდღეოდ.
ჩემი მხრივ, მზად ვარ, მუხლჩაუხრელად და თავდაუზოგავად ვიშრომო თბილისისთვის.
თბილისი გამორჩეული ქალაქია.
