ქართული ოცნება - დემოკრატიული საქართველო
832272
55.42%
საარჩევნო ბლოკი „ერთიანი ნაციონალური მოძრაობა”
256547
17.08%
კახა კალაძე - ვისაც აქვს იდეები თბილისთან დაკავშირებით, მზად ვარ თანამშრომლობისთვის - ჩვენ ოპონენტები ვიყავით და არა მტრები
22 ოქტომბერი, 2017 წ.
"ქართული ოცნების" თბილისის მერობის კანდიდატი კახა კალაძე ოპონენტებთან თანამშრომლობისთვის მზადყოფნას გამოთქვამს, - ამის შესახებ მან დღეს გამართულ პრესკონფერენციაზე განაცხადა.

როგორც კახა კალაძემ აღნიშნა, ღია იქნება თბილისის თითოეული გულშემატკივრისთვის, ნებისმიერი კონსტრუქციული ძალისთვის და თუნდაც მისი ყოფილი კონკურენტებისთვისაც, რომლებსაც "კონკრეტული რეალისტური იდეები აქვთ და სურთ, რომ საკუთარი წვლილი შეიტანონ ჩვენი დედაქალაქის უკეთესი მომავლის მშენებლობაში".

"მე ამაზე უკვე ვისაუბრე და კიდევ ერთხელ გავიმეორებ, რომ მართლაც, თუ მათ გააჩნიათ კონკრეტული ხედვები, იდეები, კონკრეტული პროექტები თბილისთან დაკავშირებით, კიდევ ერთხელ გულწრფელად ვამბობ, რომ თანამშრომლობისთვის მზად ვარ", - განაცხადა კალაძემ.

კითხვაზე, რომელ კონკურენტებს გულისხმობს კონკრეტულად, კახა კალაძის განცხადებით, მან დებატების მსვლელობის დროსაც არაერთხელ განაცხადა, რომ ეს ქალაქი მარტო კახა კალაძის და მარტო "ქართული ოცნების" არ არის.

"ჩვენ ყველას გვიყვარს, ყველას გვაქვს სურვილი, რომ ხვალინდელი თბილისი იყოს უკეთესი, იყოს უფრო ლამაზი, კეთილმოწყობილი, ეკოლოგიურად სუფთა, განახლებული ტრანსპორტით და ა.შ. ყველა ჩემს ოპონენტს, ვისაც სურვილი ექნება სამომავლოდ და ვინც წარმოადგენს თავის ხედვას, კონკრეტულ პროექტს თუნდაც ქალაქში განსახორციელებლად და ეს ქალაქისთვის მისაღები იქნება, ვიმეორებ, რომ მზად ვარ თანამშრომლობისთვის. ჩვენ ვიყავით ოპონენტები, მაგრამ არ ვყოფილვართ მტრები", - განაცხადა კალაძემ.
FaceBook Twitter Digg MySpace Delicious Google ელფოსტაბეჭდვა
თვითმმართველობის არჩევნებამდე დარჩა 21.10.2017 08:00
მედიაცენტრი live
არქივი
«« ნოემბერი 2019 »»
ორ სა ოთ ხუ პა შა კვ
     1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30