მიმდინარე არჩევნებში „პატრიოტთა ალიანსი“-ს დეპუტატობის რამდენიმე კანდიდატმა მოხსნა თავისი კანდიდატურა დამოუკიდებელი კანდიდატების სასარგებლოდ. კერძოდ: მაკა გოგუაძემ ქ. ოზურგეთის ცენტრი-ლაშე მაჟ. ოლქში კანდიდატურა მოხსნა დამოუკიდებელი კანდიდატის ლევან მგელაძის სასარგებლოდ. ლაითურის მაჟორიტარულ ოლქში ჩვენმა კანდიდატმა დავით თავართქილაძემ კანდიდატურა მოხსნა დამოუკიდებელი კანდიდატის რესან გაბაიძის სასარგებლოდ. ურეკის მაჟორიტარულ ოლქში გოჩა დვალიშვილმა კანდიდატურა მოხსნა დამოუკიდებელი კანდიდატის ჯაბა მიქაბერიძის სასარგებლოდ.ასევე ასკანის მაჟორიტარულ ოლქში დამოუკიდებელი კანდიდატის ილია მამალაძის სასარგებლოდ მოხსნა კანდიდატურა თეიმურაზ ჯინჭარაძემ.

აღნიშნულ დამოუკიდებელ კანდიდატებს ვუსურვებთ წარმატებებს და გამარჯვებას, ხოლო ჩვენი ყოფილი კანდიდატები გააგრძელებენ თავიანთ სამოქმედო ტერიტორიაზე მუშაობას, როგორც პატრიოტთა ალიანსის სათათბიროს ხელმძღვანელები და კორდინატორები, რათა მაქსიმალურად მოიპოვონ ხმები „პატრიოტთა ალიანსი“-სათვის.

ამის შესახებ ოფიციალური განცხადება, შოთა გოგიბერიძემ დღეს, პატრიოტთა ალიანსის ოზურგეთის ოფისში გამართულ ბრიფინგზე გააკეთა.

მისივე განცხადებით, რაც შეეხება „დავით თარხან-მოურავი, ირმა ინაშვილი-საქართველოს პატრიოტთა ალიანსი“-იდან მერობის პოსტზე წარდგენილ კანდიდატს შოთა გოგიბერიძეს, მან ასევე მოხსნა თავისი კანდიდატურა ოზურგეთის მერობის დამოუკიდებელი კანდიდატის კონსტანტინე შარაშენიძის სასარგებლოდ და მოუწოდებს თავის მხარდაჭერებსა და ზოგადად ოზურგეთელ ამომრჩეველს მხარი დაუჭირონ მერობისთვის ბრძოლაში კონსტანტინე შარაშენიძეს .

ავტორი: გურიის მოამბე