ქ. თბილისის საკრებულოს ადამიანის უფლებების კომისიის თავმჯდომარემ კახა კუკავამ, საქართველოს პარლამენტის წევრებთან - ზაზა პაპუაშვილთან და გედევან ფოფხაძესთან ერთად, ვერის პარკში, კარავში მცხობრები სოციალურად დაუცველი ოჯახი მოინახულა.

გოცაძეების ოჯახი 5 წელია, რაც საცხოვრებელი ფართის გარეშეა დარჩენილი და მათ ღია ცის ქვეშ უწევთ ცხოვრება. მიუხადევად ამ უმძიმესი ვითარებისა, ოჯახს სოციალურად დაუცველის სტატუსი არ აქვს, რადაგანაც მუდმივ საცხოვრებელს არ ფლობენ. დეპუტატებმა გოცაძეების ოჯახს მხარდაჭრა გამოუცხადეს და შეპირდნენ, რომ შესაბამის უწყებებთან უშუამდგომლებენ, რათა სოციალურმა მუშაკმა ადგილზე მიაკითხოთ.

როგორც ცნობილია, თბილისში უკვე ათი ათასობით ადამიანი ცხოვრობს უსახლკაროდ, რომელბიც ხშირ შემთხვევაში სხვადასხვა შენობების ნანგრევებში და მიტოვებულ ნაგებობებში ცხოვრობენ. ქვეყანაში არსებული სოციალური პრობლემების გამო საცხოვრებლის გარეშე დარჩენილი ოჯახების რიცხვი ყოველდღიურად იზრდება.

29 აგვისტოს, ქ. თბილისის საკრებულოს ადამიანის უფლებების კომისიის თავმჯდომარე კახა კუკავა სხდომის გამართავს გეგმავს, რომელსაც მერიის და სხვადასხვა სამინისტროების წარმომადგენლები დაესწრებიან. როგორც კახა კუკავამ განაცხადა, სხდომაზე კომისიის წინადადება იქნება, შემუშავდეს განსახლების პოლიტიკა და შეიქმნას უსახლკარო ოჯახებისათვის სპეციალური საბინაო ფონდი.

http://freegeorgia.ge/