"ქრისტიან-დემოკრატიული მოძრაობის" ლიდერებმა, გიორგი თარგამაძემ და მაგდა ანიკაშვილმა თბილისში სოციალურად დაუცველი ოჯახი მოინახულეს.
პარტიის პრესსამსახურის ინფორმაციით, სამონოვების ოჯახში რვა ადამიანი ცხოვრობს და ოჯახის არც ერთი წევრი არ მუშაობს. სოციალური სააგენტოს მიერ ბოლო შემოწმებით, მათ მიენიჭათ 145000 ქულა, თუმცა 4 თვის წინ სამონოვების ოჯახს სოციალური დახმარება შეუწყდა.
"ქრისტიან-დემოკრატები" მოითხოვენ გადაიხედოს სიღარიბის შეფასების კრიტერიუმები და აქცენტი გაკეთდეს უმუშევრობაზე, ოჯახის შემოსავალზე და ოჯახებმა, რომელთა არც ერთი წევრი არ მუშაობს, სახელმწიფოსგან დახმარება მიიღონ.

ინტერპრესნიუსი