„ქრისტიან - დემოკრატიული მოძრაობის" ლიდერებმა ზუგდიდის რაიონის სოფელ დარჩელში შეხვედრა გამართეს.

გიორგი თარგამაძემ და გიორგი ახვლედიანმა ადგილობრივებს „ქრისტიან - დემოკრატიული მოძრაობის" წინასაარჩევნო პროგრამა გააცნეს და პარტიის პრიორიტეტებზე ისაუბრეს.

გიორგი თარგამაძის განცხადებით, „ქრისტიან - დემოკრატიული" საქართველო ნიშნავს ქვეყანაში სამართლიანი ტარიფების დაწესებას, ეკონომიკური ძრავის ამუშავებას, მცირე და საშუალო ბიზნესისა და ქართული სოფლის მეურნეობის განვითარებას.

„ხელისუფლება, რომელიც ქვეყანაში დაეხმარება ეკონომიკის განვითარებას და თავად არ აღმოჩნდება ძირითადი დაბრკოლება სამუშაო ადგილების შესაქმნელად. ხელისუფლება, რომელიც არათუ ხელს შეუშლის ძალიან მაღალი გადასახადებით, არამედ ხელს შეუწობს ჩვენი მოზარდებისა და ახალგაზრდების სწავლა განათლებას. ხელისუფლება, რომელიც ჩვენი პენიონერებისა და ხანდაზმული ადამიანებისათვის სათანადო ყურადღების მისაქცევად გააკეთებს ყველაფერს და გამოიყენებს ყველა რესურსს, რომელიც მის ხელში იქნება. სწორედ ეს არის „ქრისტიან-დემოკრატიული" საქართველო." - განაცხადა გიორგი თარგამაძემ.


წყარო:http://ghn.ge