ჭიათურაში ,,ქართული ოცნების“ მხარდამჭერი ლელა ცერცვაძე „თავისუფალი დემოკრატების“ მაჟორიტარობის კანდიდატს, თეიმურაზ გაფრინდაშვილს ზეწოლაში ადანაშაულებს და აცხადებს, რომ მისმა შვილმა სამსახური მას შემდეგ დატოვა,რაც თეიმურაზ გაფრინდაშვილის შვილი სამსახურიდან გაშვებით დაემუქრა.

,,ჩემი შვილი თეიმურაზ გაფრინდაშვილის შვილის მარკეტში მუშაობდა მენეჯერის თანამდებობაზე. განხორციელებული ზარის საფუძველზე ჩემმა შვილმა თავი შეურაცხყოფილად იგრძნო და თავისი ნებით წავიდა სამსახურიდან. ჩემს შვილს დაურეკეს და უთხრეს, რომ დარჩებოდა უსამსახუროდ რადგან, მე დედამისი, ვიყავი ,,ქართული ოცნების“მხარდამჭერი“, - განაცხადა ჟურნალისტებთან ლელა ცერცვაძემ.

ჭიათურის მაჟორიტარობის კანდიდატი “თავისუფალი დემოკრატებიდან” თეიმურაზ გაფრინდაშვილი აცხადებს, რომ აღნიშნული სუპერმარკეტი, საიდანაც თანამშრომლის გათავისუფლება მოხდა, მის მფლობელობაში არ არის. გაფრინდაშვილი რაიმე სახის ზეწოლის ფაქტს კატეგორიულად გამორიცხავს.

ipn.ge