„ერთიანი ნაციონალური მოძრაობა“ ქუთაისში არჩევნების მეორე ტურში აქტიურად ჩაერთვება, - ამის შესახებ „ნაციონალური მოძრაობის“ ქუთაისის ოფისში გამართულ ბრიფინგზე დეპუტატმა აკაკი ბობოხიძემ განაცხადა. ბობოხიძის თქმთ, მის გუშინდელ შეთავაზებას პარლამენტის ქუთაისში დარჩენასთან დაკავშირებით, ხელისუფლების წარმომადგენლების მხრიდან ბუნდოვანი განცხადებები მოჰყვა, ამიტომ ის და მისი გუნდის წევრები არჩევნების მეორე ტურში აქტიურად ჩაერთვებიან.

„მივხვდით, რომ განცხადებას, თუ იმერეთის 11 დეპუტატი მხარს დაუჭერდა პარლამენტის ქუთაისში დარჩენას, ჩვენ მეორე ტურში არ ვიბრძოლებდით, აზრი არ აქვს, ვინაიდან გუშინ მოვისმინეთ ქუთაისის მაჟორიტარი დეპუტატობის კანდიდატების ბუნდოვანი განცხადება, რაც არაფერს ცვლის. მათი განცხადება არაა მთავარი და ვიცით, რომ გადაწყვეტილებას ერთი ადამიანი იღებს, რომლის გადაწყვეტილებაც კარგადაა ცნობილი. კობა ნარჩემაშვილმა იცრუა, როდესაც თქვა, რომ პარლამენტის ქუთაისიდან გადატანის საკითხი დღის წესრიგში არ დგას. დღის წესრიგშიც დგას და მხოლოდ კენჭისყრაღა დარჩა", -განაცხადა აკაკი ბობოხიძემ ჟურნალისტებთან შეხვედრაზე.

"ნაციონალური მოძრაობის" წევრმა აკაკი ბობოხიძემ გუშინ ქუთაისში ჟურნალისტებათან შეხვედრაზე განცხადება გააკეთა, რომლის მიხედვით, ის მზად იყო არჩევნების მეორე ტურში საკუთარი კანდიდატურა მოეხსნა, თუკი იმერეთში "ქართული ოცნების“ დეპუტატები განცხადებას გაავრცელებდნენ პარლამენტის ქუთაისში დატოვებასთან დაკავშირებით.

ipn.ge