ჭიათურაში და ხარაგაულში 8 ოქტომბერს გამგებლებსაც აირჩევენ. საპარლამენტო არჩევნების დროს მაჟორიტარ დეპუტატთან ერთად ჭიათურის გამგებელსაც აირჩევენ. შუალედური არჩევნების დანიშვნა მას შემდეგ გახდა აუცილებელი, რაც ყოფილი გამგებელი სულხან მახათაძე თანამდებობიდან გადადგა. მახათაძე „ქართული ოცნებიდან“ კენჭს მაჟორიტარ დეპუტატად იყრის. გამგებლობისათვის ჭიათურაში 4 კანდიდატი იბრძოლებს.

ანალოგიური სიტუაციაა ხარაგაულში, სადაც გამგებელი კობა ლურსმანაშვილი დეპუტატობის კანდიდატობის გამო გადადგა. შუალედურ არჩევნებში ხარაგაულის გამგებლობისთვის ხუთმა პარტიამ წარადგინა თავისი კანდიდატურა.

ipn.ge