ქართული ოცნება - დემოკრატიული საქართველო
926959
48.15%
საარჩევნო ბლოკი „ერთიანი ნაციონალური მოძრაობა - გაერთიანებული ოპოზიცია „ძალა ერთობაშია“
522463
27.14%
,,რესპუბლიკური პარტიის“ რუსთავის ორგანიზაციის რიგები 35 წევრმა დატოვა
 ,,რესპუბლიკური პარტიის“ რუსთავის ორგანიზაციის რიგები 35 წევრმა დატოვა
31 აგვისტო, 2016 წ.
რუსთავში ,,რესპუბლიკური პარტიის“ ადგილობრივი ორგანიზაციის რიგები 35 წევრმა დატოვა. ამის შესახებ განცხადება გუშინ, ,,რესპუბლიკური პარტიის" ახლა უკვე ყოფილმა წევრებმა სპეციალურად გამართულ ბრიფინგზე გააკეთეს.

როგორც პარტიის რუსთავის ორგანიზაციის კომიტეტის წევრმა ოთარ ჩხაიძემ განაცხადა, პარტიის რიგები 35 წევრმა დატოვა, მათგან 3 ადგილობრივი ორგანიზაციის კომიტეტის წევრი იყო.

პარტიიდან გასული წევრები ემიჯნებიან ,,რესპუბლიკელებს" და საპარლამენტო არჩევნებზე მხარს ,,ქართული ოცნებას" და მის მაჟორიტარობის კანდიდატებს დაუჭერენ.

,,რესპუბლიკური პარტიის წევრებმა მივიღეთ გადაწყვეტილება, გავემიჯნოთ და დავტოვოთ პარტია. ჩვენი ხედვები და ამოცანები სრულ თანხვედრაშია პარტია ,,ქართულ ოცნებასთან", რის გამოც 2016 წლის საპარლამენტო არჩევნებში მხარს დავუჭერთ და დავეხმარებით ,,ქართულ ოცნებას" და მის მიერ წარდგენილ მაჟორტარი დეპუტატობის კანდიდატებს. ადგილობრივი ორგანიზაცია დატოვა პარტიის კომიტეტის 5 წევრიდან სამმა და 68 წევრიდან 35-მა", - განაცხადა ოთარ ჩხაიძემ.

,,რესპუბლიკური პარტიის" ახლა უკვე ყოფილი წევრები აცხადებენ, რომ პარტიის რიგებს 2012 წელს შეუერთდნენ, როცა „რესპუბლიკური პარტია“ კოალიცია ,,ქართული ოცნების" წევრი იყო, რათა რუსთავის ორგანიზაცია გაეძლიერებინათ. ახლა კი, როცა „რესპუბლიკელებმა“ კოალიცია დატოვეს, ისინიც ემიჯნებიან და ტოვებენ მათ რიგებს.

ipn.ge
FaceBook Twitter Digg MySpace Delicious Google ელფოსტაბეჭდვა