ფრაქცია “ერთიანი ნაციონალური მოძრაობა“ და ფრაქცია “ერთიანი ნაციონალური მოძრაობა - თბილისი“ მუნიციპალური ავტობუსების მძღოლებს სოლიდარობას უცხადებენ. “ჩვენ სოლიდარობას ვუცხადებთ მუნიციპალური ავტობუსების მძღოლებს და ვგმობთ მათ მიმართ გახშირებულ ძალადობის შემთხვევებს. სამწუხაროდ, ამის მიზეზი საზოგადოებაში დაუსჯელობის განცდის განმტკიცებაა, რასაც ხელს უწყობს და ახალისებს შინაგან საქმეთა სამინისტროს ინერტული მოქმედება და ასეთ ფაქტებზე სათანადო, დროული რეაგირების არქონა.

მოვუწოდებეთ შინაგან საქმეთა სამინისტროს, მკაცრი სამართლებრივი რეაგირება მოახდინოს ხულიგნობის და ძალადობის ყველა შემთხვევაზე, იმისათვის, რომ დაცული იყოს მძღოლებისა და სხვა პერსონალის უსაფრთხოება. მათ საშუალება უნდა ჰქონდეთ მშვიდად მოემსახურონ თბილისელებს, იფიქრონ მხოლოდ სამსახურზე და არა საკუთარი თავის დაცვაზე. ეს კი მნიშვნელოვანია, იმისათვის, რომ არ მოხდეს საქალაქო ტრანსპორტის მუშაობის შეფერხება, რაც მნიშვნელოვნად დააზარალებს თბილისელ მგზავრებსაც”, - აღნიშნულია განცხადებაში.

pia.ge