პარლამენტის იურიდიულ საკითხთა კომიტეტის თავმჯდომარემ ვახტანგ ხმალაძემ “პირველ პრესკლუბში” სტუმრობისას თვითმმართველობის არჩევნებში სხვადასხვა პარტიისა და თუ გაერთიანებების შესაძლებლობები შეაფასა.

“მერის არჩევნებში არ მგონია, რომ “ქართული ოცნების” კანდიდატს დღეს რომელიმე სხვა სუბიეტმა მოუგოს, იქნება ეს “ნაციონალური მოძრაობა”, თუ ოპოზიციური პარტიების სხვაგვარი გაერთიანება. იმ შემთხვევაშიც კი ყველა ოპოზიციური პარტია, გარდა “ნაციონალური მოძრაობისა”, ერთად რომ გაერთიანებულიყო, იმ ინფორმაციით, რომელიც მეც მაქვს და ალბათ, თქვენც და ეს არის სხვადასხვა სოციოლოგიური გამოკითხვები, ჩანს, რომ “ქართული ოცნების” კანდიდატს სხვა კანდიდატებთან მიმართებაში დიდი უპირატესობა აქვს. რაც შეეხება ზოგადად ადგილობრივი თვითმმართველობის არჩევნებს, იქ ეს უპირატესობა კიდევ უფრო დიდია”, - განაცხადა ხმალაძემ.

მისივე თქმით, 15 ივნისამდე კიდევ 2 თვეზე მეტია დარჩენილი. ამ ხნის განმავლობაში შეიძლება ვითარება შეიცვალოს, ვიღაცის რეიტინგი გაიზარდოს, ვიღაცის კი შემცირდეს.

“კატასტროფული რაღაც უნდა მოხდეს, რომ არსებითად შეიცვალოს ის ადგილები, რაც დღეს სხვადასხვა პარტიებს, თუ პარტიათა გაერთიანებს უკავიათ”, - დასძინა ხმალაძემ

http://pia.ge/show_news.php?id=10288&lang=geo