ქართული ოცნება - დემოკრატიული საქართველო
926959
48.15%
საარჩევნო ბლოკი „ერთიანი ნაციონალური მოძრაობა - გაერთიანებული ოპოზიცია „ძალა ერთობაშია“
522463
27.14%
ავთანდილ მარგიანი: ჩამომახრჩვეთ მაშინვე, თუკი ეს არ შევასრულე
19 ოქტომბერი, 2013 წ.
„საპრეზიდენტო არჩევნებში გამარჯვების შემთხვევაში, ნინო ბურჯანაძეს პარლამენტს ჩავაბარებ, ბიძინა ივანიშვილს კი არსად არ გავუშვებ, თუ არადა მოველაპარაკები, გამიცვალოს და მე ვიქნები მთავრობის მეთაური და ის პრეზიდენტი იყოს"- ამის შესახებ „ერთიანი საქართველოს" ლიდერმა, პრეზიდენტობის კანდიდატმა ავთანდილ მარგიანმა „რეპორტიორის" პრესკლუბში სტუმრობისას განაცხადა.

პარტია „ერთიანი საქართველოს" ლიდერმა მოსახლეობას კიდევ ერთი მნიშვნელოვანი დაპირება მისცა. როგორც მარგიანი აცხადებს, ქვეყნის პირველ პირად მისი არჩევის დღიდან ერთ წელიწადში, ის საქართველოს გაამთლიანებს.

„აფხაზები და ოსები ჩვენი მოძმეები არიან. რუსეთი პრობლემას არ წაროადგენს, რუსებთან 5 წუთში მოგვარდება ყველაფერი, რუსეთი აწევს ხელს. დავდებ მასთან 20 წლიან სამხედრო -სტრატეგიულ ხელშეკრულებას. თუკი ამას არ შევასრულებ, მაშინვე ჩამომახრჩვეთ"- განაცხადა ავთანდილ მარგიანმა.

პრეზიდენტობის კანდიდატი, სახელისუფლებო მანდატის მიღების შემდეგ, პირველი რასაც განახორციელებს, ეს იქნება სისხლის სამართლის კოდექსში სახელმწიფო მოღვაწეთა უმკაცრესი პასუხისმგებლობის შესახებ კანონის მიღება, რომლის თანახმადაც ყველა პირი დასჯილი იქნება ხალხისთვის მიცემული დაპირებების შეუსრულებლობის გამო.

ავთანდილ მარგიანმა საგარეო პოლიტიკურ კურსზეც ისაუბრა და განმარტა, რომ საქართველოს ეროვნული ინტერესებიდან გამომდინარე, ევრაზიული კავშირი კეთილმეზობლური ურთიერთოებების ჩამოყალიბების უპირობო საწინდარია.

ალა გრიგალაშვილი
http://www.reportiori.ge
FaceBook Twitter Digg MySpace Delicious Google ელფოსტაბეჭდვა